04/11/15

Casteddu si cheret bilìngue: su Comune riconnoschet su bilinguismu in s'Istatutu nou

Foto: http://www.sardiniapost.it
Su Cussìgiu comunale de Casteddu at votadu s'Istatutu nou. In s'artìculu 12, votadu a s'unanimidade, si bi narat chi su Comune amparat sa limba sarda e punnat a la difùndere in sa vida de ogni die e in sa comunicatzione istitutzionale cun sa gente. Si bi narat finas chi sos topònimos (nùmenes de sos logos) e odònimos (nùmenes de sas carreras) dae como ant a èssere iscritos finas in sardu e chi b'at a àere tutela pro totu sas limbas faeddadas in sa tzitade.
Nos paret importante, custa nova, ca si s'ufitzializatzione de sa limba movet dae sos palatzos de sa capitale b'at bonas isperas chi leet difusione in totu s'Isula.

Nessun commento:

Posta un commento

Nota. Solo i membri di questo blog possono postare un commento.