03/08/15

Montresta e Bosa - Programma "Isola del teatro" 2015

Dae s'8 a su 30 de austu torrant a comintzare sas atividades de su fèstival "L'isola del teatro & l'isola raccontata", chi ocannu est imbàtidu a sa de XIII editziones e s'at a fàghere siat in Montresta siat in Bosa.
Su calendàriu est ricu comente semper: b'at ispetàculos teatrales, presentadas de libros, film e cuntzertos, e non mancant sos giogos pro sos pitzinnos.
Sinnalamus in manera particulare sa proietzione de su documentàriu "Oil" de Massimiliano Mazzotta, chi faeddat de s'indùstria petrolchìmica Saras e de sos dannos chi est faghende a sa salude de sos abitantes de Sarrocu (sa proietzione s'at a fàghere mèrcuris 12 de austu in Bosa e giòbia 13 in Montresta).
Interessante est finas su cortometràgiu "La valigia di Tidiane Cuccu" de Umberto Siotto. Si bi faeddat de tziu Antoni Cuccu, editore de libreddos in sardu, chi cun traballu ùmile e silentziosu at salvadu dae s'ismèntigu tantas cantzones antigas. Su traballu suo l'est mandende a in antis Cheick Tidiane Diagne, senegalesu e amigu mannu de tziu Cuccu (sa proietzione s'at a fàghere mèrcuris 19 de austu in Montresta e giòbia 20 in Bosa).
Pro nd'ischire de prus in contu de su documentàriu "Oil" podides abbaidare su vìdeu "Oil - La fortuna dei Moratti, la sfortuna dei Sardi" o lèghere sa recensione de Walter G. Pozzi.
Pro nd'ischire de prus in contu de "La valigia di Tidiane Cuccu" podides abbidare su vìdeu de Sardegna Storie.
Pro iscarrigare su programma cumpletu de "L'isola del teatro" bos podides cullegare a su situ o a sa pàgina Facebook.

Nessun commento:

Posta un commento

Nota. Solo i membri di questo blog possono postare un commento.