17/11/14

Laboratòrios in limba sarda pro pitzinnos minores

S'Ufìtziu Limba Sarda at aviadu una sèrie de laboratòrios in limba pro pitzinnos minores in sas iscolas de s'infàntzia de Pianalza-Montiferru (in Iscanu, Tinnura e Tresnuraghes).
Cussentes de s'importàntzia de imparare su sardu a sos pitzinnos (siat pro chircare de salvare sa limba, siat ca issos nde tenent profetu mannu), sas operadoras sunt traballende cun unos 100 alunnos chi parent interessados meda. Pro tantu torrant gràtzias a totu sas mastras e mòngias chi las òspitant in sas iscolas issoro e chi las agiudant cun disponibilidade manna.
Sos laboratòrios ant a agabare in su mese chi intrat cun sos teatrinos de Nadale animados dae sos pitzinnos. 

Nessun commento:

Posta un commento

Nota. Solo i membri di questo blog possono postare un commento.