23/10/14

Pro sos giòvanos: cuntributos pro chie lis faghet cuntratos de aprendistadu

Sa Regione at aviadu sa protzedura pro dare contributos a sos sugetos chi dant traballu a sos giòvanos cun cuntratu de aprendistadu pro sa cualìfica professionale.
Podent partetzipare sas impresas chi ponent a traballare sos giòvanos cun cuntratos de aprendistadu dae sa prima die de ghennàrgiu 2014 a su 31 de nadale 2017. Sas impresas (cunsòrtzios, assòtzios, fundatziones, cooperativas o lìberos professionistas) devent tènnere sa sede operativa in Sardigna.
A chie est destinada sa protzedura? A minorennes chi no ant finidu sas iscolas e a giòvanos dae sos 18 a sos 25 annos chi non tenent cualìfica professionale.
Sa documentatzione cheret mandada cun posta ordinària a IN.SAR S.p.A via Mameli 228, 09123 Cagliari o cun posta eletrònica tzertificada (PEC) a insar@pec.insar.it dae su 4 de santandria 2014 a su 4 de nadale.


Nessun commento:

Posta un commento

Nota. Solo i membri di questo blog possono postare un commento.