15/10/14

Pro sos giòvanos: ativatzione tirotzìnios cun voucher

S'Agentzia regionale pro su traballu at publicadu s'Avisu pro ativare sos tirotzìnios cun voucher (est a nàrrere "bonos de pagamentu") de su programma "Garanzia Giovani Sardegna".
Sos voucher (de 460,00 èuros a su mese pro 6 meses) sunt 2.000 e benint assignados sighende sas datas de adesione de sos giòvanos a su programma.
Bi podent partetzipare giòvanos dae sos 18 a sos 29 annos chi siant disocupados o inocupados e chi apant aderidu a su programma "Garanzia Giovani Sardegna" in sos Tzentros de Servìtzios pro su Traballu (CSL).
Sos tirotzìnios los podent ospitare ebbia sos meres chi tèngiant nessi unu dipendente a tempus indeterminadu.
Sas candidaduras (de tirotzinantes e meres) si podent presentare dae sa prima die de santandria; sos voucher  los assignant sa prima die de nadale; sos tirotzìnios comintzant in su mese de ghennàrgiu de su 2015.
Pro carchi informatzione in prus leghe inoghe.

Nessun commento:

Posta un commento

Nota. Solo i membri di questo blog possono postare un commento.