27/10/14

Microcrèditu pro atividades noas e pro megiorare sas betzas

Pro chie cheret incaminare un'atividade o megiorare sa chi tenet ma tenet dificultade a retzire crèditu, s'Assessoradu regionale a su Traballu cuntzedit mùtuos finas a 25,000 èuros a tassu zero de rimborsare in 60 meses.
Non b'at bisòngiu de garantzias (foras pro sas sotziedades e cooperativas a responsabilidade limitada).
Podent fàghere sa domanda sos giòvanos sena traballu (disocupados o inocupados), sos cassintegrados, sos traballadores chi tenent prus de 50 annos. Podet partetzipare finas chie at abertu s'impresa dae prus pagu de 36 meses.
Si dat preferèntzia a propostas cullegadas a su setore turìsticu, a servìtzios sotziales a sa persone, a sa tutela de s'ambiente, ICT, rispàrmiu energèticu e energias rinnovàbiles, servìtzios culturales e ricreativos, servìtzios a sas impresas, de manifatura, de cummèrtziu in prossimidade e de artigianadu.
Sas domandas cherent presentadas intro de su 31 de nadale e, a pustis cumpilada telematicamente, tocat a nche la mandare (intro de 7 dies) a Fondo Microcredito FSE.
Totu sas informatziones detalliadas las agatades culleghende·bos a su situ de sa Regione, dae in ue podides iscarrigare finas totu sa documentatzione.
Leghe sa nova detalliada in sardu.




Nessun commento:

Posta un commento

Nota. Solo i membri di questo blog possono postare un commento.