26/06/14

Trastos de traballu pro sos Ufìtzios Limba Sarda

Sos Comunes de s'Unione Pianalza-Montiferru otzidentale ant retzidu su materiale didàticu e informativu aprontadu dae sa Regione Autònoma de Sardigna e mandadu a totu sos Comunes paris cun una sèrie de manifesteddos cuncordados dae s'Ufìtziu Limba Sarda de sa Provìntzia de Aristanis.
Custu materiale cuntenet trastos importantes pro su traballu de sos Isportellos linguìsticos, e in manera particulare cuntenet:
- 12 libros chi faeddant de polìtica linguìstica, de leges pro s'amparu de sas limbas minoritàrias, de iscritura de sa limba sarda;
- una sèrie de manifesteddos aprontados dae sa Regione pro fàghere promotzione a s'impreu de sa limba sarda in cada situatzione comunicativa;
- una sèrie de manifesteddos aprontados dae sa Provìntzia de Aristanis cun s'obietivu de educare sos pitzinnos de iscola a su rispetu de s'ambiente e a s'impreu de sa limba sarda.
Su materiale si podet consultare in sos Ufìtzios Limba Sarda de totu sos Comunes de s'Unione.
Sa campagna promotzionale "Sabidorias pro crèschere" fata dae sa Provìntzia de Aristanis la podides agatare in custu link paris cun totu sos manifesteddos e su resumu de sas atividades de su progetu L. 482/1999 annualidade 2009.
Abbàida unu de sos manifestos.


Nessun commento:

Posta un commento

Nota. Solo i membri di questo blog possono postare un commento.