14/10/13

CUBAS - Pro chi non ti nàrgiant prus "Mi pares istorchende"

Bos agradat su sardu ma tenides birgòngia a lu faeddare? Bos narant chi parides istorchende, chi est mègius si faeddades in italianu ca non bi seis bonos?
Est nàschidu su cursu sestadu pro bois: CUBAS (Cursu Base de Sardu), ammaniadu dae sa Regione Sardigna, chi s'at a fàghere siat in Casteddu siat in Tàtari dae su mese de santandria a su mese de martzu 2014.
Su cursu est de 60 oras, non si pagat nudda, e bi podent partetzipare istudiantes, mastros, giornalistas, cumponentes de assòtzios culturales chi tenent dae sos 18 a sos 55 annos e chi cherent lòmpere a unu livellu de connoschèntzia de base de sa limba sarda.
Pro partetzipare tocat a mandare su mòdulu in posta eletrònica a pi.limbasarda@regione.sardegna.it (pro Casteddu) o cbecciu@regione.sardegna.it (pro Tàtari) intro de su 31 de santugaine.
Pro informatziones si podet telefonare a sos nùmeros 070/606.4948 (dot. Micheli Ladu); 070/606.5067 (dot.res Giusepe Orrù e Giusepe Corronca); 079/208.8567 (dot.res Istèvene Ruiu e Juvanna Tuffu).





Nessun commento:

Posta un commento

Nota. Solo i membri di questo blog possono postare un commento.